Umræðuhornið - Skoðanir og greinar um málefni líðandi stundar.

Af Vefsíðu Leós - www.leoemm.com

Varnir gegn loftmengun er fyrst og fremst fjárhagslegt vandamál íslenskra stjórnvalda

þótt það megi ekki hafa hátt um það ......

Hvað eru 900 kæfðir minkar á milli vina?

Dýravernd er hluti af menningunni. Hins vegar er umhugsunarvert að stéttaskipting virðist ráðandi gagnvart dýravernd hérlendis .....

Gagnabankinn - ýmsar bilanir í bílum og ráð við þeim

,,Smalamennskan" á keflavíkurveginum.

Í þessari grein, sem birtist í Morgunblaðinu 13. febrúar 2002, er vakin athygli á upphaflegum tilgangi breikkaðra axlna á Keflavíkurveginum.

Vafasamar vetnisfjaðrir
Grein sem birtist í Morgunblaðinu í febrúar 1999 þegar mér ofbauð bullið í Hjálmari Árnasyni - sem þá var þingmaður - en er núna bara venjulegur streðari sem er frekar óvenjulegt um fyrrverandi þingmenn sem yfirleitt ekkert fyrirtæki vill ráða í vinnu. Hjálmar er annað hvort færari en þeir flestir eða með betri sambönd - en söm var vetnisdellan!

,,BESSERWISSER" OG 270 ÞÚSUND SÉRFRÆÐINGAR

Þeir sem alltaf hafa þagað og aldrei skrifað meira en nafnið sitt (og dagsetningu), geta sjálfsagt hælt sér af því á gamalsaldri að hafa aldrei orðið uppvísir að því að hafa haft rangt fyrir sér, jafnvel aldrei orðið sér til skammar, að minnsta kosti í annarra augsýn - aldrei afhjúpað ,,leyndarmálið" að þeir kunna ekki réttritun út í hörgul fremur en aðrir venjulegir Íslendingar; aldrei misminnt neitt né orðið á að treysta heimildum sem síðar reyndust vafasamar. Ég tel mig heppinn fylli ég ekki þennan flokk. Stundum hefur mér orðið svona karakter hugstæður þegar viðbrögðin sem blaðagrein, þar sem reifuð er ný hlið á máli, eru þau ein að nöldrað er undan rangt stafsettu nafni á erlendri borg eða undan ártali sem hefur víxlast: Sem sagt tittlingaskítur.

Það íslenskasta af öllu íslensku (fyrir framapotara) er að ,,gelta fyrir húsbóndann

Hve öruggir eru bílar?

Um þessar mundir (í byrjun apríl 1999) er verið að fullyrða (en þó með hálfkveðnum vísum) í fjölmiðlum um öryggi bíla og öryggisbúnað. Ályktanir eru m.a. byggðar á tölfræðilegum gögnum lækna. Faglega þekkingu á bílum vantar í umfjöllunina. Útkoman er eftir því; - mikið af upplýsingum sem lítið gagn er að. Hér fjallar Leó M. Jónsson ¹⁾ um hættulegustu bílana (tegundir, árgerð og ástand) en jafnframt um ástæður umferðarslysa og hvernig aðrar þjóðir hafa farið að því að auka öryggi í umferðinni.

Hin forboðnu málefni íslensks samfélags

Ákveðin mál á ekki að ræða opinberlega á Íslandi. Um þau verður trauðla eða alls ekki opinber eða almenn umræða - þau þola ekki gagnrýni eða vitræna umfjöllun. Íslendingar eru ekki einir á báti í þessu efni: Þjóðverjar ræða helst ekki hvað þeir eða þeirra höfðu fyrir stafni á stríðsárunum frekar en Svíar sem auk þess ræða ekki hergagnasöluna sem þeir lifa enn á); Ameríkanar vilja helst ekki muna eftir Indiánum eða McCarthy-tímabilinu o.s.frv. o.s.frv. Höfundur hefur haft blaðamennsku að aðal- eða aukastarfi sl. 30 ár og af einskærri stríðni hans er hér minnst á nokkur dæmigerð íslensk ,,tabú":

FRUMSKÓGUR BÍLATRYGGINGANNA

Nokkuð reglulega boða þau 3 tryggingafélög, sem hafa skipt með sér markaðnum hérlendis í bróðerni, hækkanir á iðgjöldum bílatrygginga. Ástæðan er sögð vera aukin tjónatíðni og dýrari tjón. Þessi tryggingafélög eiga það sameiginlegt að hafa safnað eignum undanfarna áratugi og eru á meðal ríkustu fyrirtækja landsins. Nú, í apríl 2000 virðist vera komið að enn einni hækkuninni og eins og oft áður tala þessi 3 tryggingafélög til okkar bíleigenda eins og við séum bjánar.

Og nú skal Íslandssagan lúta lögmálum markaðarins!

Fíflagangurinn í kringum Íslending, trébát sem á að vera eins og þeir bátar sem talið er að hafi verið notaðir á landnámsöld, virðist engan endi ætla að taka. Ástæðan er góðar viðtökur sem báturinn hefur fengið á austurströnd Bandaríkjanna - þar sem Íslendingur er kynntur sem víkingaskip.